Me matri quann'era piccidditu

"Dillu mamma'"
Iu
"Ueh, Ueh, uehh"
"No, nan chiangiri figghitu miu, dillu
Maaaaaaaaamma, ma……………mma"
Iu .
"Mmmmh…………….. mmmuh…………
mmmh………….mmmmh……………
mmmaaaa….. ……… mammmaaaa ………
maaammmma… mamma.
"Bravu, bravu
e ora dillu
papà"

"Pppaaaa..……. Pppaaaaa…….. paaaa…..
paa…. Papà"
"Iriih, chi sii rannu!"
"Ora dillu acqua"
"Mmmm.. bru mmm...bru mbru, mbru
mbru , mbru, mbru"
"E vabbè a Mammà,
te! a voi 'na fila di mbru mbru"

Mè nannu maternu quann'era chiu rannitu

"U sai cuntari finu a deci"
"No"
"Ora ti cuntu i numari alla spagnola
Unzi, dunzi, trinzi, cara, carinzi, nif, naf, cunta ca deci si.
E ora, ‘na viccia di pani u voi?"

"Ti" ( Si)
“Comu, ô lustru ô puru ô scuru
" Ô lustru"
" Menu mali! .risparmiamu".

"Tal'è sta passannu u sceccu
Dillu sceccu

"Ceeee….. cee…….Sce…… sce…".
"No! No! E' diri sceccu sceeeee- ccu
Sceeccu Sceccu"
"Sce- sce
Sce sce"

"Vabbe' va
Ti ci voi mettiri - ncapu u sce sce"
"Ti "(si)
"Però mè dari 'n- basuneddu alla spagnola"

Me nannu paternu
"Ora ti 'nzignu i numari spagnoli finu a deci
in Argentina ci travagghiava e si cuntava accussi
uno, dos, tres. cuatro, cinco, seis, siete, ocho, nueve, diez.

Chiddu di l'autru nannu
è spagnolu maccarisi
ti sghirzava"

Me patri
"Unu, dui, tri, quattru, cincu, sei, setti, ottu, novi e deci"


Me matri
"Ooovu, ovu
Ga…ddina… gaddina….
Dillu ovu"
Iu
" co- co”



U' maestru 'na prima 'lementari

"I numeri fino a dieci sono
Uno due tre quattro………….."

Comu si chiama sta figura dô libru?
"Sceccu"
-"No!no! Si chiama asino

E quest'altra figura?"

"Auceddu"

"Asino
si chiama uccello"

Me matri 'ncasa

"Veni cca, amuri
" No"
"Ma u sai chi significa amuri"
"Si"
"E chi significa"
"Tri e trac"
"Ma chi è stu tric e trac"

"L'amuri chi si fa cu l'uccello"
"Cu ti l'ha dittu"
" I cumpagni d'a scola."



Nna scola Media

"Presi la zappulla di mio padre e raccolsi la felce dalla riva del fiume"

A prifusiressa di scienzi

"Si dice zappa, non zappulla"
"Ma, Prufissuressa!
La traduzione di zappudda è zappulla"
"Chi te l'ha insegnato?"
"mè patri"

Nne scoli superiori

A Prufissuressa d'italianu
"Dante, nel vedere Beatrice, svenne.
Il suo amore per lei superava i confini.
Era amore divino."

A Prufissurissa di lingui straneri

"Come si dice Amore in inglese"?
"Love"
"E in tedesco?
"Liebe"

"E in Francese"?
"Amour"
"E in spagnolo"?
"amor"

"Sarebbe bello che il verbo amore
fosse scritto in una lingua
che si capisse in tutto il mondo"

"Gia c'è"
Ci dissi iu

"E qual è?"
" Dio"
"Chi te l'ha insegnato?"
"La Bibbia!
….e il verbo era presso Dio…
Ed è scritto in tutte le lingue"



Ora
certi siri
vintusi
cuntu i pecuri
ch'i numari 'taliani,
ripigghiu, ch'i numari spagnoli,
poi, siciliani
e quannu finisciunu tutti
i ripigghiu da capu.
Si mi cunfunnu cu l'ordini
I cuntu a muzzu
unzi, dos, tre, quattri, cinque, nif, seven, otto…
Siccomu i numari sunu all'infinitu
tanti siri penzu ddu Verbu, Signuri
"Amuri”
fazzu prima e mi dormu.


Poesia di Giuseppe Bonura