Nel 1993 Mirabella Imbaccari elesse Sindaco un giovane ragazzo, Marco Falcone, che risultò essere il più giovane Sindaco d’Italia. Il fatto mi stupì, in quanto Mirabella non aveva mai eletto un sindaco di destra e scrissi i versi sottoindicati . Marco, in questi versi parla con il mio pensiero le mie aspirazioni, con i miei sogni che forse sono i sogni di tanti mirabellesi, dato che furono capaci di cambiare completamente compagine politica. Solo che qui in Sicilia non cambia mai niente.
A MARCU FARCUNI ( Sinnacu chiù giuvani d’Italia) ( Dalla mia raccolta di poesie “ U Nostru cantu”)
Si si putissiru cuntari ‘i cunti e picciriddi coma ‘na vota e mè figghi cuntassi ‘sta nota senza luvarici virguli e punti
C’era ‘n-paisi “Maccari” (1) chiamatu di genti bona ‘murusa abitatu unna nuddu si virgugnava d’essiri natu unna nan si capiva ch’era lu Statu
Travagghiava, mangiava e cantava cunvinta chi tuttu era distinu nne famigghi nan c’era mai fistinu prichì genti ricca troppu a pistava
E p’i paisi luntanu partiva pi purtari mangiari e so’ figghi nan capiva di l’autri ‘i schinchigghi e sempri ‘i manu e putenti battiva
e sempri ‘i denti i nobbili mustravanu ridennu di ddi poviri viddani chi chini di caddi eranu ddi manu chi ‘n-capu ‘i celi e ricchi chianavanu
Tantu beni facivanu a dda genti dannuci limosina, carni e pani dicivanu chi simu paisani ma diffirenti di sangu e di menti
Cu l’anni ddi tempi nan cangiavano ‘i puvireddi divintavanu chiù ‘ssai i ricchi chiù picca e nan c’eranu mai prichi tra d’iddi ‘nsemùla stavanu
I midicini custavanu cari i supratassi ‘rruvarunu ‘n celu ‘u populu si nni jivu ô sfacelu pi tutti ddi sordi biàti nno mari
Ci fu ‘n carusu di nomu Farcuni un bravu studenti e senza malanni assai curaggiusu p’i so’ vint’anni chi jivu a parrari d’unna i barcuni
Diciva: “ Certi cosi Di nne vo’ pigghiamunni nui tutti p’i manu sapimu ch’i ricchi nenti danu e chi terra e celu vulissiru so’
Ma terra e celu su’ di tutti nui àma dari casi popolari a chiddi chi nan ponu travagghiari e mutilati, all’orbi e surdi e i muti.
Simu figghi d’a stissa biata matri figghi dô stissu patri criaturi chi di crita nni stampavu c’amuri e perciò comu iddi siti vuiautri
I ricchi a menti vonu e ‘i vostri corpi iddi vi fanu pagari chiù tassi nne vostri spaddi ‘ n carcanu ddi massi d’e vostri aràti chi ‘nfunni e chiù forti
‘U paisi e ‘u Statu siti vuiautri ch’i vostri voti sunu guvirnanti pigghiannuvi pi babbi e pi ‘gnuranti S’hannu fattu i sordi pezzii di latri
Tanti carusazzi ci jinu appressu tanti fimini si luvanu ‘u scialli gridavanu ch’i vecchi su’ maiali e cuminannu tantissimu ntressu
E strati strati su’ misiru ‘n brazza a ddu carusazzu battivanu ‘i manu cu l’occhi talìavanu luntanu cu tantu disprezzu tutta dda razza.
Marcu dô paisi fu guvirnanti stimatu di tutta dda popolazioni canusciutu di tutta la nazioni comu ‘n Sinnacu bonu e brillanti.
